Польшада Қазақстанның әскери дипломаты ұсталды. Ол Украинадағы Қазақстан атташесінің аппаратында қызмет етеді. Бұқаралық ақпарат құралдары ол "тыңшылық жасады" деген күдікпен ұсталған деп жазды. Бұл оқиға нені білдіреді, Қазақстанға тигізер әсері қандай? Сарапшымен талқыладық.
АЭС референдумы қарсаңында ұсталған бес адамның Алматыдағы сот процесі аяқталуға жақын. Айыптау тарапының айтуынша, зейнеттегі және зейнетке таяп қалған ер азаматтар 2024 жылғы 6 қазандағы дауыс беру күні "жаппай тәртіпсіздік ұйымдастырмақ болған". Қорғаушылар істе дәлел-айғақ жоқ дейді.
13 тамыздан бастап Starlink компаниясы Қазақстанда ресми түрде спутниктік интернет қызметін ұсына бастайды. Бұл туралы Қазақстанның цифрлық даму министрлігі хабарлады. Ведомство компания барлық талабымызға келісті деп мәлімдеді. Нақты қандай талаптар екенін айтпады.
Бір кездері Қазақстанға гүл экспорты бойынша алғашқы он елдің қатарында да болмаған Қытай былтыр елге сатуға әкелінген гүл көлемі бойынша үшінші орынға шықты. Қытай гүлдері қазақ кәсіпкерлерін несімен баурап алды?
АҚШ президенті Дональд Трамп көмекке емес, инвестицияға көбірек иек артып келеді. Ол АҚШ-тың халықаралық жәрдем мен дамуға бөлінген миллиардтаған долларын қысқартып, Халықаралық даму қаржы корпорациясының (DFC) шығындарын төрт есе ұлғайтты.
Ресейдің экс-президенті Дмитрий Медведевтің ұлы Илья елдегі ірі мемлекеттік өнеркәсіп конгломераты "Ростех" корпорациясына еншілес компанияда істейді. Украинадағы соғыста пайдаланатын қару-жарақтың бір бөлігін осы корпорация өндіреді. Мұны Азат Еуропа/ Азаттық радиосының "Система" жобасы анықтады.
Президент Садыр Жапаров азаматтық қоғам мен халықаралық ұйымдар сынға алған медиа туралы заңға қол қойды. Бұл заң барлық цифрлық платформаларды БАҚ ретінде тіркелуге міндеттейді және шетел азаматтары мен шетелдік компаниялардың жергілікті медиакомпаниялардағы үлесін 35 пайыздан асыруға тыйым салады.
31 жастағы сурдоаудармашы Айдана Жапарованың өмір жолы тағдыр тәлкегіне мойымаған табандылық пен қайсарлықтың жарқын үлгісі болуға лайық. Мүлде естімейтін жандардың отбасында туған ол жас шағында ауыр дертті жеңе білді. Айдана қазір сахнаға шығып, құлағы естімейтін көрерменді өнермен табыстырып жүр.
Украинада ауқымды соғыс басталғаннан кейін Ресейде ксенофобия деңгейі күрт артты. Көбіне ондаймен мигранттар мен байырғы халықтардың өкілдері бетпе-бет келді.
АҚШ президенті Дональд Трамп Украинадағы соғысты тоқтату үшін Кремльге 8 тамызға дейін уақыт берген еді. Путиннен жауап болмаса, Вашингтон Мәскеуді экономикалық қыспаққа алмақ. Оның бір жолы – Ресей мұнайының Қытайға сатылуын тежеу. Ақ үй Пекинді көндіре ала ма?
Алматы соты Қытайдан контрабанда тасумен айналысқан компанияның бір құрылтайшысы мен қызметкерлерін түрлі мерзімге соттады. Кәсіпорынның екі қожайынының бірі – бұрынғы президент Нұрсұлтан Назарбаевтың қарындасы Әнипа Назарбаева. Құзырлы органдар оған ешқандай айып таққан жоқ.
Тағы
